Viti shkollor ka mbaruar, por në Qendrën "Don Bosko" ka gjallëri. Dëgjohen zërat e fëmijëve, të cilët të gëzuar lodrojnë nëpër ambintet e Qendrës.

Eshtë Oratori, që qendra organizon çdo vit me fëmijë të moshave të ndryshme, të zonës përreth. Përgjegjësi i Oratorit, Giuseppe mundohet që me anë të lojrave të ndryshme, t'i mbajë fëmijët gjatë gjithë kohës në lëvizje. Gjatë orëve të Oratorit, fëmijët të ndarë në grupe, bëjnë një konkurs midis tyre, me këngë, recitime, lojra të ndryshme dhe në fund në bazë të pikëve të mbledhura, njëra skuadër shpallet fituese e ditës.

Eshtë një gjë e bukur,që fëmijët tuaj të jenë të organizuar gjatë pushimeve, sepse kështu ata integrohen në jetën në komunitet.